മലപ്പുറത്തിന് റെയിൽവേയുടെ ദസറ സമ്മാനം; വേണാട് എക്സ്പ്രസ് ഉടൻ നിലമ്പൂരിലേക്ക്!

മലപ്പുറത്തെ മലയോര ജനതയുടെ ദീർഘകാല ആവശ്യത്തിന് റെയിൽവേയുടെ പച്ചക്കൊടി. തിരുവനന്തപുരം – ഷൊർണൂർ റൂട്ടിലോടുന്ന പ്രമുഖ ട്രെയിനായ വേണാട് എക്സ്പ്രസ് നിലമ്പൂരിലേക്ക് നീട്ടുമെന്ന് പാലക്കാട് ഡിവിഷണൽ റെയിൽവേ മാനേജർ മധുകർ റോത്ത് അറിയിച്ചു.
വേണാട് എക്സ്പ്രസിന് 22 കോച്ചുകളുണ്ടെന്നിരിക്കെ, നിലമ്പൂർ പാതയിലെ ഭൂരിഭാഗം പ്ലാറ്റ്‌ഫോമുകൾക്കും 18 കോച്ചുകൾ മാത്രമുള്ള സൗകര്യമായിരുന്നു നേരത്തെ തടസ്സമായിരുന്നത്. എന്നാൽ, മേലാറ്റൂർ സ്റ്റേഷനിലെ 24 കോച്ച് പ്ലാറ്റ്‌ഫോം നിർമാണം പൂർത്തിയായതിനാലും, അടുത്ത മാസം ക്രോസിങ് സ്റ്റേഷൻ കമ്മീഷൻ ചെയ്യുന്നതിനാലും ഈ സാങ്കേതിക തടസ്സം പൂർണ്ണമായി നീങ്ങും.
ഉച്ചയ്ക്ക് 12:30-ഓടെ ഷൊർണൂരിലെത്തുന്ന ട്രെയിൻ തിരികെ തിരുവനന്തപുരത്തേക്ക് യാത്ര തിരിക്കുന്നത് ഉച്ചകഴിഞ്ഞ് 3 മണിക്കാണ്. ഷൊർണൂരിൽ ട്രെയിൻ വെറുതെ നിർത്തിയിടുന്ന ഈ 3 മണിക്കൂർ ഇടവേള പ്രയോജനപ്പെടുത്തിയാണ് നിലമ്പൂർ സർവീസ് ക്രമീകരിക്കുന്നത്. ഇതോടെ രാവിലെ 10 മണിക്കും ഉച്ചയ്ക്ക് 3 മണിക്കും ഇടയിൽ നിലമ്പൂർ–ഷൊർണൂർ പാതയിൽ ട്രെയിനുകളില്ലാത്ത യാത്രാദുരിതത്തിന് ശാശ്വത പരിഹാരമാകും. കൂടാതെ, നഷ്ടം ചൂണ്ടിക്കാട്ടി നിർത്തിവെച്ചിരുന്ന നിലമ്പൂരിലെ പാഴ്സൽ സർവീസ് ലാഭകരമാണെന്ന് ഉറപ്പായാൽ പുനരാരംഭിക്കുമെന്നും റെയിൽവേ വ്യക്തമാക്കി.

⁠#VenadExpress⁠ ⁠#NilamburRailway⁠ ⁠#SouthernRailway⁠ ⁠#PalakkadDRM⁠ ⁠#MalappuramNews⁠ ⁠#KeralaRailways⁠ ⁠#TrainUpdate⁠ ⁠#Nilambur⁠ ⁠#IndianRailways⁠ ⁠#KeralaNews�

📲 വാർത്തകൾ തത്സമയം അറിയാൻ ജനശബ്ദം ന്യൂസ് ഫോളോ ചെയ്യൂ:
💬 വാട്സ്ആപ്പ് കമ്മ്യൂണിറ്റി:1
👉 https://chat.whatsapp.com/EU2b3lbWO91ECn4n2JiZcg
👉 വാട്സ്ആപ്പ് കമ്മ്യൂണിറ്റി:2
https://chat.whatsapp.com/E4BH7e78PhTKmj5KiF3ocy?s=sh&p=a&mlu=4&ilr=4
📘 ഫേസ്ബുക്ക് പേജ്:
👉 https://www.facebook.com/share/RqdfS5tcKgdQpSjc/
▶️ യൂട്യൂബ് ചാനൽ:
👉 https://www.youtube.com/@JanaShabdamNews
🌐 വെബ്‌സൈറ്റ്:
👉 https://janashabdamnews.com
📞 വാർത്തകൾക്ക് 6235689163, 6235689039
പരസ്യങ്ങൾക്ക് 9544299535