കോഴിക്കോട് കൊയിലാണ്ടി കുറുവങ്ങാട് മണക്കുളങ്ങര ക്ഷേത്രത്തില് ആനയിടഞ്ഞത് പടക്കം പൊട്ടുന്ന ശബ്ദം കേട്ടിട്ടാണെന്ന് പ്രാഥമിക നിഗമനം.
ആന മറിഞ്ഞുവീണ ഓഫീസിനുള്ളില് ആളുകള് ഉണ്ടായിരുന്നത് പരിക്കേറ്റവരുടെ എണ്ണം വർധിക്കാൻ കാരണമായി. പിതാംബരൻ, ഗോഗുല് എന്നീ ആനകളാണ് വിരണ്ടത്. ആന വിരണ്ടതോടെ അവിടെ തടിച്ചുകൂടിയിരുന്ന ആളുകളും ചിതറിയോടി. ആനയുടെ ചവിട്ടേറ്റാണ് സ്ത്രീകള് മരിച്ചതെന്നാണ് ഏറ്റവുമൊടുവില് പുറത്തുവരുന്ന വിവരങ്ങള്. രണ്ട് സ്ത്രീകളും ഒരു പുരുഷനുമുള്പ്പെടെ മൂന്ന് ആളുകള് മരിക്കുകയും മുപ്പതോളം ആളുകള്ക്ക് പരിക്കേല്ക്കുകയും ചെയ്തിട്ടുണ്ട്. കുറുവങ്ങാട് വെട്ടാം കണ്ടി താഴെകുനി ലീല (65), വടക്കയില് അമ്മുക്കുട്ടി അമ്മ (70), രാജൻ എന്നിവരാണ് മരണപ്പെട്ടത്. പരിക്കേറ്റവരില് എട്ടുപേരുടെ നില ഗുരുതരമാണെന്നും റിപ്പോർട്ടുണ്ട്. പരിക്കേറ്റവരെ കോഴിക്കോട് മെഡിക്കല് കോളേജിലും സമീപപ്രദേശത്തെ ആശുപത്രികളിലേക്കും മാറ്റി. പരിക്കേറ്റവരില് കൂടുതലും സ്ത്രീകളുമാണ്.
അക്രമാസക്തരായ ആനകള് ക്ഷേത്രകെട്ടിടത്തിന്റെ മേല്ക്കൂരയും ഓഫീസ് മുറിയും തകർത്തു.ആനകളെ പിന്നീട് പാപ്പാന്മാർ തളച്ചു. പത്തുവർഷം മുമ്ബും ഇതേ ക്ഷേത്രത്തില് ആനയിടഞ്ഞിരുന്നു. 
