അമേരിക്കൻ പ്രതിരോധ ആസ്ഥാനമായ പെന്റഗണിൽ നിന്ന് അതീവ പ്രാധാന്യമുള്ള രഹസ്യ വിവരങ്ങൾ മാധ്യമങ്ങൾക്ക് ചോർന്ന സംഭവത്തിൽ ഉന്നത ഉദ്യോഗസ്ഥരെ നുണപരിശോധനയ്ക്ക് വിധേയമാക്കിയതായി റിപ്പോർട്ട്. കര, നാവിക, വ്യോമ സേനകളുടെ ഏകോപനം നിർവ്വഹിക്കുന്ന ‘ജോയിന്റ് സ്റ്റാഫിലെ’ അമ്പതോളം മുതിർന്ന സൈനിക, സിവിലിയൻ ഉദ്യോഗസ്ഥരിലാണ് അന്വേഷണത്തിന്റെ ഭാഗമായി പരിശോധന നടത്തിയത്. ന്യൂയോർക്ക് ടൈംസ് അടക്കമുള്ള അന്താരാഷ്ട്ര മാധ്യമങ്ങളാണ് ഈ വിവരം പുറത്തുവിട്ടത്.യു.എസിന്റെ ദീർഘദൂര ക്രൂയിസ് മിസൈലുകൾ, പേട്രിയറ്റ് ഇന്റർസെപ്റ്ററുകൾ എന്നിവയുടെ ശേഖരത്തിൽ ഗണ്യമായ കുറവുണ്ടാകുന്നു എന്ന തരത്തിലുള്ള തന്ത്രപ്രധാന വിവരങ്ങൾ പുറത്തുവന്നതാണ് പെന്റഗണിനെ ചൊടിപ്പിച്ചത്. ഇത്തരം വിവരങ്ങൾ ശത്രുരാജ്യങ്ങൾക്ക് മുൻതൂക്കം നൽകുമെന്നും രാജ്യസുരക്ഷയെ അപകടപ്പെടുത്തുമെന്നുമാണ് വിലയിരുത്തൽ. രഹസ്യങ്ങൾ ചോർത്തുന്നവർക്കെതിരെ കടുത്ത രാജ്യദ്രോഹക്കുറ്റം ചുമത്തി ജയിലിലടയ്ക്കുമെന്ന ശക്തമായ മുന്നറിയിപ്പും ഭരണകൂടം നൽകിയിട്ടുണ്ട്.
വർഷങ്ങളോളം വിശ്വസ്തതയോടെ സേവനമനുഷ്ഠിച്ച മുതിർന്ന ഉദ്യോഗസ്ഥരെ പോലും സംശയത്തിന്റെ നിഴലിൽ നിർത്തി നുണപരിശോധനയ്ക്ക് വിധേയമാക്കുന്നത് സേനയ്ക്കുള്ളിൽ വലിയ അതൃപ്തിക്ക് കാരണമായിട്ടുണ്ടെന്ന് പ്രതിരോധ വിദഗ്ധർ ചൂണ്ടിക്കാട്ടുന്നു.
പശ്ചിമേഷ്യൻ സംഘർഷ മേഖലകളിൽ മാസങ്ങളോളം നീണ്ട ദൗത്യങ്ങളിൽ ഏർപ്പെട്ടിരിക്കുന്ന നാവികസേനാംഗങ്ങൾക്കിടയിലെ മാനസിക സമ്മർദ്ദവും ദൗത്യങ്ങളുടെ കാഠിന്യവും സംബന്ധിച്ച ചർച്ചകൾ നിലനിൽക്കെയാണ്, ആസ്ഥാനത്ത് ഉടലെടുത്ത പുതിയ വിവാദം അമേരിക്കൻ സൈനിക വൃത്തങ്ങളിൽ കൂടുതൽ അസ്വസ്ഥതകൾക്ക് വഴിവെച്ചിരിക്കുന്നത്.
#Janashabdamnews #Pentagon #USMilitary #WorldNewsMalayalam #DefenseNews #InternationalAffairs #MalayalamNews #BreakingNews #CurrentAffairs #LieDetectorTest #SecurityBreach
കൂടുതൽ വിവരങ്ങൾ വീഡിയോയിൽ… 📊👇
📲 വാർത്തകൾ തത്സമയം അറിയാൻ ജനശബ്ദം ന്യൂസ് ഫോളോ ചെയ്യൂ:
💬 വാട്സ്ആപ്പ് കമ്മ്യൂണിറ്റി:
👉 https://chat.whatsapp.com/EU2b3lbWO91ECn4n2JiZcg
📘 ഫേസ്ബുക്ക് പേജ്:
👉 https://www.facebook.com/share/RqdfS5tcKgdQpSjc/
▶️ യൂട്യൂബ് ചാനൽ:
👉 https://www.youtube.com/@JanaShabdamNews
🌐 വെബ്‌സൈറ്റ്:
👉 https://janashabdamnews.com
📞 വാർത്തകൾക്കും പരസ്യങ്ങൾക്കും ബന്ധപ്പെടുക:
6235689163, 6235689039
