പ്രളയദുരിതത്തിൽ ആശ്വാസതീരമായി ആറൻമുളയിലെ നീർവിളാകം ; സന്നദ്ധസംഘടനകളുടെ പ്രവർത്തനം എല്ലാവർക്കും മാതൃക!

August 10, 2026

പ്രളയത്തിൽ കടുത്ത നാശനഷ്ടങ്ങൾ നേരിട്ട ആറൻമുള ഗ്രാമപഞ്ചായത്തിലെ നീർവിളാകം നാടിന്റെ കൈകോർക്കൽ എല്ലാവർക്കും മാതൃകയാകുന്നു. വാർഡിലെ പേരങ്ങാട്, മെയ്ക്കുന്നിൽ, കല്ലുവരമ്പ്, ഡീസൻ്റ്മുക്ക് പ്രദേശങ്ങളിലെ 76 വീടുകളിൽ പൂർണ്ണമായും വെള്ളം കയറിയതിനെ തുടർന്ന് നൂറുകണക്കിന് ആളുകളെയാണ് മാറ്റിപ്പാർപ്പിച്ചത്. നീർവിളാകം എം.ഡി.എൽ.പി സ്കൂൾ, പുത്തൻകാവ് മാർ പീലക്സിനോസ് യു.പി സ്കൂൾ, എന്നിവയ്ക്കു പുറമേ പ്രദേശത്തെ വെള്ളം കയറാത്ത വീടുകളും താൽക്കാലിക ആശ്വാസ ക്യാമ്പുകളായി പ്രവർത്തിച്ചു. പ്രാരംഭഘട്ടത്തിൽ ഔദ്യോഗിക സംവിധാനങ്ങളുടെ സഹായങ്ങൾ ഒന്നും തന്നെ ഇവിടേക്ക് എത്തിയിരുന്നില്ല. ഇതേ തുടർന്ന് കക്ഷി രാഷ്ട്രീയമെന്യേ കടുത്ത പ്രതിഷേധം ഉയരുകയും ചാനലുകളിൽ വലിയ വാർത്തയാകുകയും ചെയ്തിരുന്നു.ഈ അവസരത്തിൽ പ്രാദേശിക സന്നദ്ധ പ്രവർത്തകർ ഉണർന്നു പ്രവർത്തിച്ചതാണ് ദുരന്തത്തിന്റെ ആഘാതം കുറച്ചത്. പ്രദേശത്തെ സി.പി.ഐ.(എം), BJP, കോൺഗ്രസ്സ്, ലെഫ്‌റ്റ് ഈസ് റൈറ്റ്, സേവാഭാരതി ,ഡി.വൈ.എഫ്.ഐ, ഗ്രാമസേവാ പരിഷത്ത് തുടങ്ങിയ പ്രസ്ഥാനങ്ങൾ അരി, പച്ചക്കറി, കുപ്പിവെള്ളം,അത്യന്താപേക്ഷിതമായ പലവ്യഞ്ജന സാധനങ്ങൾ എന്നിവയടങ്ങിയ ദുരിതാശ്വാസ കിറ്റുകളം ഒപ്പം പൊതിച്ചോറുകളും വീടുകളിലെത്തിച്ചു . വെള്ളമിറങ്ങിയതോടെ വീടുകളിൽ അടിഞ്ഞുകൂടിയ ചെളിയും മാലിന്യങ്ങളും നീക്കം ചെയ്ത് കഴുകി വൃത്തിയാക്കുന്ന പ്രവർത്തനങ്ങൾ ഇപ്പോഴും സന്നദ്ധപ്രവർത്തകരുടെ നേതൃത്വത്തിൽ യുദ്ധകാലാടിസ്ഥാനത്തിൽ തുടരുകയാണ്.

#Aranmula #KeralaFloods #KeralaRescue #RebuildKerala #AranmulaWard19 #HumanityFirst #TogetherWeCan #KeralaNews #SevaBharati #DYFI #CPIM #Congress #VolunteerKerala #FloodRelief #KeralaReels #TrendingReelsKerala

വിശദമായി അറിയാൻ വീഡിയോ കാണുക 👇