ഇലന്തൂർ സ്വദേശി സുനിൽകുമാറിനാണ് ഈ ദുരനുഭവം ഉണ്ടായത്. കഴിഞ്ഞ മാസം 27-ന് ശാരീരിക അസ്വസ്ഥതകളെ തുടർന്ന് ജനറൽ ആശുപത്രിയിൽ ചികിത്സ തേടിയ സുനിൽകുമാറിന് ഡോക്ടർ കുറിച്ച മരുന്നുകൾ ആശുപത്രി ഫാർമസിയിൽ നിന്നാണ് വിതരണം ചെയ്തത്. ആദ്യ ഡോസ് ഗുളിക കഴിച്ച ശേഷം ബാക്കി മരുന്നുകൾ വീട്ടിൽ സൂക്ഷിച്ചു. എന്നാൽ അടുത്ത തവണ കഴിക്കാനായി എടുത്തപ്പോഴാണ് ഗുളിക കുഴമ്പുരൂപത്തിലായതായി കണ്ടത്. തുടർന്ന് സുനിൽകുമാർ ഗുളിക സഹിതം ആശുപത്രി സൂപ്രണ്ടിന് പരാതി നൽകി. എന്നാൽ, മരുന്നിന്റെ ഗുണനിലവാരത്തിൽ യാതൊരു തകരാറുമില്ലെന്ന നിലപാടിലാണ് അധികൃതർ. ഈ ബാച്ചിലെ മരുന്നുകൾക്ക് 2027 വരെ കാലാവധിയുണ്ടെന്നും, നിരവധി രോഗികൾക്ക് ഇതേ ബാച്ചിൽ നിന്ന് മരുന്ന് നൽകിയിട്ടും മറ്റാരും പരാതിപ്പെട്ടിട്ടില്ലെന്നുമാണ് ആശുപത്രിയുടെ വാദം. രോഗി മരുന്ന് ശരിയായി സൂക്ഷിക്കാത്തതുകൊണ്ടുണ്ടായ ‘ഭൗതിക മാറ്റം’ മാത്രമാണിതെന്ന നിരുത്തരവാദപരമായ മറുപടിയാണ് അധികൃതർ നൽകിയത്. സംഭവത്തിൽ പ്രതിഷേധിച്ച് ഡിവൈഎഫ്ഐ പ്രവർത്തകർ പത്തനംതിട്ട ജനറൽ ആശുപത്രിയിലേക്ക് പ്രതിഷേധ മാർച്ച് നടത്തി. സാധാരണക്കാരായ രോഗികളുടെ ആരോഗ്യസുരക്ഷയിൽ അധികൃതർ കാണിക്കുന്ന അനാസ്ഥ അവസാനിപ്പിക്കണമെന്നും, സർക്കാർ ആശുപത്രികളിൽ വിതരണം ചെയ്യുന്ന മരുന്നുകളുടെ സംഭരണ-ഗുണനിലവാര രീതികളെക്കുറിച്ച് സമഗ്രാന്വേഷണം വേണമെന്നും ആവശ്യം ശക്തമാണ്. വിവാദം കനത്തതോടെ ഗുളികയുടെ ഗുണനിലവാരം ഔദ്യോഗികമായി പരിശോധിക്കാനുള്ള തയ്യാറെടുപ്പിലാണ് ആരോഗ്യവകുപ്പ്.
പത്തനംതിട്ട ജനറൽ ആശുപത്രിയിൽ നിന്ന് വിതരണം ചെയ്ത ഗുളിക കുഴമ്പുരൂപത്തിൽ കണ്ടെത്തിയ സംഭവം വലിയ വിവാദമാകുന്നു. ഇലന്തൂർ സ്വദേശി സുനിൽകുമാറിന് ഫാർമസിയിൽ നിന്ന് ലഭിച്ച മരുന്നാണ് ഉപയോഗശൂന്യമായ നിലയിൽ കാണപ്പെട്ടത്. രോഗി ശരിയായ രീതിയിൽ സൂക്ഷിക്കാത്തതുകൊണ്ട് സംഭവിച്ച ‘ഭൗതിക മാറ്റം’ മാത്രമാണിതെന്ന ആശുപത്രി അധികൃതരുടെ വിചിത്ര ന്യായീകരണം പ്രതിഷേധത്തിന് വഴിവെച്ചു. സംഭവത്തിൽ ഡിവൈഎഫ്ഐ ആശുപത്രിയിലേക്ക് സമരം നടത്തി. പ്രതിഷേധം ശക്തമായതോടെ ഗുളികയുടെ ഗുണനിലവാരം പരിശോധിക്കാൻ ആരോഗ്യവകുപ്പ് തീരുമാനിച്ചു. 
#JanaShabdamnews #Pathanamthitta #GeneralHospital #KeralaHealth #MedicalNegligence #DYFI #HealthDepartment #KeralaNews #HospitalRow #PatientSafety #ViralNewsKerala #BreakingNews
കൂടുതൽ വിവരങ്ങൾ വീഡിയോയിൽ… 📊👇
📲 വാർത്തകൾ തത്സമയം അറിയാൻ ജനശബ്ദം ന്യൂസ് ഫോളോ ചെയ്യൂ:
💬 വാട്സ്ആപ്പ് കമ്മ്യൂണിറ്റി:
👉 https://chat.whatsapp.com/EU2b3lbWO91ECn4n2JiZcg
📘 ഫേസ്ബുക്ക് പേജ്:
👉 https://www.facebook.com/share/RqdfS5tcKgdQpSjc/
▶️ യൂട്യൂബ് ചാനൽ:
👉 https://www.youtube.com/@JanaShabdamNews
🌐 വെബ്‌സൈറ്റ്:
👉 https://janashabdamnews.com
📞 വാർത്തകൾക്കും പരസ്യങ്ങൾക്കും ബന്ധപ്പെടുക:
6235689163, 6235689039
