700 ടൺ സ്ഫോടകവസ്തുക്കൾ ഉപയോഗിച്ച് ലെബനനിൽ ചരിത്രപ്രസിദ്ധമായ ബൊഫോർട്ട് കോട്ടയിൽ ഇസ്രായേലിന്റെ വ്യോമാക്രമണം!

ദക്ഷിണ ലെബനനിലെ ചരിത്രപ്രസിദ്ധമായ ബൊഫോർട്ട് കോട്ടയുടെ ഭൂഗർഭ തുരങ്കങ്ങളും നിർമ്മിതികളും ഇസ്രായേൽ സൈന്യം വൻ സ്ഫോടനത്തിലൂടെ തകർത്തു. മേഖലയിലെ ഹിസ്ബുല്ലയുടെ ഭൂഗർഭ തുരങ്ക ശൃംഖല തകർക്കാൻ 700 ടൺ സ്ഫോടകവസ്തുക്കളാണ് ഉപയോഗിച്ചതെന്ന് ഇസ്രായേൽ പ്രധാനമന്ത്രി ബെഞ്ചമിൻ നെതന്യാഹു അറിയിച്ചു. വടക്കൻ ഇസ്രായേലിലേക്ക് കടന്നുകയറാൻ തയാറാക്കിയ തുരങ്കങ്ങളാണിതെന്നും, ഹിസ്ബുല്ല വെടിനിർത്തൽ കരാർ ലംഘിച്ച് നടത്തുന്ന ഡ്രോൺ ആക്രമണങ്ങൾക്ക് മറുപടിയായാണ് ഈ നടപടിയെന്നും ഇസ്രായേൽ വ്യക്തമാക്കി.സ്ഫോടനത്തിന്റെ ശക്തമായ പ്രകമ്പനം തലസ്ഥാനമായ ബെയ്‌റൂട്ട് വരെ അനുഭവപ്പെട്ടു. സമീപ ഗ്രാമങ്ങളായ യോഹ്മോർ അൽ-ഷഖീഫ്, അർനൂൺ എന്നിവിടങ്ങളിലെ വീടുകൾക്കും കെട്ടിടങ്ങൾക്കും കേടുപാടുകൾ സംഭവിച്ചു.12-ാം നൂറ്റാണ്ടിൽ ക്രൂസേഡർമാർ നിർമ്മിച്ച ബൊഫോർട്ട് കോട്ട നിലവിൽ അപകടസാധ്യതയിലുള്ള യുനെസ്കോ ലോക പൈതൃക പട്ടികയിലുള്ള പ്രദേശമാണ്.

കൂടുതൽ വിവരങ്ങൾ വീഡിയോയിൽ… 📊👇