പത്തനംതിട്ട ചിറ്റാർ നിന്ന് കാണാതായ എൺപത്തിയഞ്ചുകാരി കട്ടച്ചിറ തോട്ടുപുറം വീട്ടിൽ കുട്ടിയമ്മയുടെ (85) മൃതദേഹം പത്ത് ദിവസത്തിന് ശേഷം ഉൾവനത്തിൽ കണ്ടെത്തി. കൊടുമുടി വന മേഖലയിലെ കാട്ടാനത്താരയിലുള്ള ഒരു കുഴിയിലാണ് മൃതദേഹം കണ്ടത്. ഓഗസ്റ്റ് രണ്ടിന് വിറക് ശേഖരിക്കാൻ പോയ കുട്ടിയമ്മയ്ക്കായി നാട്ടുകാരും പൊലീസും വനംവകുപ്പും ചേർന്ന് വ്യാപക തിരച്ചിൽ നടത്തിവരികയായിരുന്നു. എന്നാൽ, 6 കിമി അകലെയുള്ള അപകടകരമായ ഉൾവനത്തിലേക്ക് പ്രായമായ വയോധിക തനിയെ എങ്ങനെ എത്തിയെന്നതിൽ ദുരൂഹതയുണ്ടെന്ന് ബന്ധുക്കളും നാട്ടുകാരും ആരോപിക്കുന്നു. അസ്വാഭാവിക മരണത്തിന് കേസെടുത്ത് പോലീസ് വിശദമായ അന്വേഷണം ആരംഭിച്ചിട്ടുണ്ട്. പോസ്റ്റ്‌മോർട്ടം റിപ്പോർട്ടിനായി കാത്തിരിക്കുകയാണ് പോലീസ്. വന്യമൃഗങ്ങളുടെ ആക്രമണമാണോ, കാട്ടിൽ വഴിതെറ്റി വീണുണ്ടായ സ്വാഭാവിക മരണമാണോ, അതോ മറ്റെന്തെങ്കിലും ഇടപെടലുകൾ നടന്നിട്ടുണ്ടോ എന്ന കാര്യത്തിൽ പോസ്റ്റ്‌മോർട്ടത്തിലെ ആന്തരികാവയവ പരിശോധനയും ഫോറൻസിക് ഫലങ്ങളും പുറത്തുവന്ന ശേഷമേ പോലീസിന് സ്ഥിരീകരിക്കാനാവു.
കൂടുതൽ വിവരങ്ങൾ വീഡിയോയിൽ… 📊👇
📲 വാർത്തകൾ തത്സമയം അറിയാൻ ജനശബ്ദം ന്യൂസ് ഫോളോ ചെയ്യൂ:
💬 വാട്സ്ആപ്പ് കമ്മ്യൂണിറ്റി:
👉 https://chat.whatsapp.com/EU2b3lbWO91ECn4n2JiZcg
📘 ഫേസ്ബുക്ക് പേജ്:
👉 https://www.facebook.com/share/RqdfS5tcKgdQpSjc/
▶️ യൂട്യൂബ് ചാനൽ:
👉 https://www.youtube.com/@JanaShabdamNews
🌐 വെബ്‌സൈറ്റ്:
👉 https://janashabdamnews.com
📞 വാർത്തകൾക്കും പരസ്യങ്ങൾക്കും ബന്ധപ്പെടുക:
6235689163, 6235689039 
