പത്തനംതിട്ട കല്ലറക്കടവ് കല്ലറപ്പാറ മഹാദേവക്ഷേത്രത്തിൽ അതിക്രമം കാട്ടിയ കല്ലറക്കടവ് അമൃത വിദ്യാലയത്തിന് സമീപം പുതിയ്യത്ത് മേലേതിൽ വീട്ടിൽ ടി പവിത്ര(27)നെ പോലീസ് അറസ്റ്റ് ചെയ്തു. ഇന്നലെ സന്ധ്യക്ക്‌ ഏഴരയ്ക്കും ഇന്ന് രാവിലെ 7 നുമിടയ്ക്കാണ് സംഭവം. ക്ഷേത്രമുറ്റത്ത് കടന്ന് മഹാദേവ വിഗ്രഹത്തിനും മറ്റും നാശനഷ്ടമുണ്ടാക്കുകയും, ആചാരതടസം സൃഷ്ടിക്കുകയും ചെയ്തു എന്നതാണ് കേസ്. ക്ഷേത്രനടത്തിപ്പുചുമതലക്കാരനായ കല്ലറക്കടവ് തോളൂർ മേഘമൽഹാർ വീട്ടിൽ ജെ അജിത് കുമാറിന്റെ പരാതിപ്രകാരമാണ് കേസ് എടുത്തത്.
എസ് ഐ ശിവൻ കുട്ടി രജിസ്റ്റർ ചെയ്ത കേസിന്റെ അന്വേഷണം തുടർന്ന് എസ് ഐ ജെ യു ജിനു ഏറ്റെടുത്തു. സ്ഥലത്ത് ശാസ്ത്രീയ അന്വേഷണസംഘം, വിരലടയാള വിദഗ്‌ദ്ധർ, ഡോഗ് സ്‌ക്വാഡ് എന്നിവരെത്തി പരിശോധന നടത്തി തെളിവുകൾ ശേഖരിച്ചു. തുടർന്ന് അന്വേഷണത്തിനിടെ ലഭിച്ച മൊഴിപ്രകാരം സംശയിച്ചയാളെ ഇന്ന് ഉച്ചയ്ക്ക് രണ്ട് മണിയോടെ കല്ലറക്കടവിൽ വച്ച് കസ്റ്റഡിയിലെടുത്തു. ചോദ്യം ചെയ്യലിൽ ഇയാൾ കുറ്റം സമ്മതിച്ചു. സാക്ഷികളെ കാട്ടി തിരിച്ചറിഞ്ഞശേഷം അറസ്റ്റ് ചെയ്തു.
പ്രതി പത്തനംതിട്ട പോലീസ് സ്റ്റേഷനിൽ നേരത്തെ രജിസ്റ്റർ ചെയ്ത മൂന്ന് കേസുകളിൽ ഉൾപ്പെട്ടിട്ടുണ്ട്. കോടതിയിൽ ഹാജരാക്കി.
Keep Up to Date with the Most Important News
