ദേശീയ തലത്തിലുള്ള സിവിൽ ഡിഫൻസ് തയാറെടുപ്പിൻ്റെ ഭാഗമായി ഇന്ന് (മേയ് 7 ബുധൻ) വൈകുന്നേരം 4 ന് പത്തനംതിട്ട ജില്ലയിലും മോക് ഡ്രിൽ സംഘടിപ്പിക്കും. ഇതിൻ്റെ ഭാഗമായി ജില്ലയിൽ 7 സ്ഥലങ്ങളിലായി സ്ഥാപിച്ചിട്ടുള്ള മുന്നറിയിപ്പ് സൈറണുകൾ മുഴങ്ങും. പൂർണ്ണമായും പരീക്ഷണ അടിസ്ഥാനത്തിലുള്ളതായതിനാൽ ജനങ്ങൾ പരിഭ്രാന്തരാകേണ്ടതില്ലെന്ന് ജില്ലാ കളക്ടർ അറിയിച്ചു.
പത്തനംതിട്ട ജില്ലാ കളക്ടറേറ്റ്, തിരുവല്ല റവന്യു ടവർ, കെഎസ്‌ജി എച്ച്എസ്എസ് കടപ്പാറ, ഗവൺമെൻ്റ് എച്ച്എസ് മേലുകര കീക്കൊഴൂർ റാന്നി, ഗവൺമെന്റ് ഹൈസ്കൂൾ കോഴഞ്ചേരി, കമ്മ്യൂണിറ്റി സ്റ്റഡി സെൻ്റർ കൊടുമുടി, പ്രീ മെട്രിക് ഹോസ്റ്റൽ അച്ചൻകോവിൽ എന്നിവിടങ്ങളിലാണ് ജില്ലയില് സൈറണുകൾ സ്ഥാപിച്ചിട്ടുള്ളത്.
