പൈലറ്റിൻ്റെ കൊലപാതക ശ്രമം. ഭീകരാക്രമണം തന്നെയെന്ന് സൂചന. അക്രമിയെ പ്രശംസിച്ചും, സമാന ആക്രമണത്തിന് ആഹ്വാനം ചെയ്തു മുള്ള അൽബയാൻ മുഖപ്രസംഗമാണ് ഇതിലേയ്ക്ക് സൂചന നൽകുന്നത്.

യമനിലെ അൽ ഖ്വെെതയുടെ പ്രതിവാര പ്രസിദ്ധീകരണമാണിത്. അറബിയിലാണ് ലേഖനം. ഫ്‌ളൈദുബായ് വിമാനം തട്ടിക്കൊണ്ടുപോകാനുള്ള ശ്രമമാണ് പരാജയപ്പെട്ടത്. അമേരിക്കൻ, ഇസ്രയേലി വിമാനക്കമ്പനികൾക്കെതിരെ സമാനമായ ആക്രമണങ്ങൾ നടത്താനാണ് ലേഖനത്തിലെ ആഹ്വാനം.
സെപ്റ്റംബർ 11-നും സെപ്റ്റംബർ 30-നും ഇടയിൽ’ എന്ന തലക്കെട്ടോടെ പ്രസിദ്ധീകരിച്ചിരിക്കുന്ന മുഖപ്രസംഗത്തിൽ, 2001 സെപ്റ്റംബർ 11-ന് വേൾഡ് ട്രേഡ് സെന്ററിലേക്ക് വിമാനം ഇടിച്ചുകയറുന്നതിന്റെ ചിത്രങ്ങളും ടെൽ അവീവിലേക്ക് പോവുകയായിരുന്ന ഫ്‌ളൈദുബായ് FZ 1073 വിമാനത്തിന്റെ ചിത്രങ്ങളും ഉൾപ്പെടുത്തിയിട്ടുണ്ട് .യുദ്ധം അവസാനിക്കാൻ ഇനിയും ഒരുപാട് ദൂരമുണ്ട്; സിയോണിസ്റ്റുകളുടെയും അമേരിക്കയുടേയും സേനകളുള്ള വിമാനങ്ങൾ ഇപ്പോഴും ആകാശത്ത് പറക്കുന്നുണ്ട്. സെപ്റ്റംബർ 11-ലും സെപ്റ്റംബർ 30-ലും തെളിയിക്കപ്പെട്ടതുപോലെ, അവ ഇപ്പോഴും ആക്രമണത്തിന് ഇരയാകാൻ സാധ്യതയുള്ളവയാണ്’ എന്നും ഭീഷണിയുണ്ട്.
ഫ്‌ളൈദുബായ് വിമാനം തട്ടിക്കൊണ്ടുപോകൽ വിജയിച്ചിരുന്നെങ്കിൽ, മേഖലയിലെ ശക്തിസന്തുലിതാവസ്ഥതന്നെ മാറിമറിയുമായിരുന്നു എന്നും ലേഖനത്തിൽ അവകാശവാദമുണ്ട്.